تحية شكر وتقدير لأمانة الشاب علي ابو عزام المحسني ابن قرية المحاسنة مركزجرجا بسوهاج لعثوره علي مبلغ ١٥٠الف جنيها وردهم الي صاحبهم

كتب: ايمن علام

سوهاج فيها حاجة حلوة وابن جرجا فخر الصعيد مثال للنزاهة والامانة هذا الشاب جزاه الله خير وجعل ما فعله في ميزان حسناته,,, من حقنا كلنا نفتخر به كسوهاجيين ونقول ان بلدنا ابن جرجا وتحديد قرية المحاسنة بلد الرجال والخير. فيها خير وكما قال الرسول الكريم ” الخير فيّ وفى امتي إلى يوم القيامة”” صدقت بارسول الله..
… انه الخلوق ” علي أبو عزام المحسني ” شاب سوهاجى ابن قرية المحاسنة بجرجا .
عثر على مبلغ 150 الف جنيه .. لم يفكر لحظة واحدة غير انه يدور على صاحبهم الى ان تمكن من الوصول الى صاحب المبلغ ..كان سعيد جدا لأنه وصل الأمانة الى صاحبها خاصة ان المبلغ ده فلوس شغل.. الراجل صاحب المبلغ كان فى ذهول و مش مصدق نفسه و كل الناس مش مصدقه اللى بيحصل والراجل يطلع فواتير تثبت ان المبلغ يخصه، و فضل يشكر في الشاب “علي ” بطريقة متتوصفش … علي قال ان “الدين والقرأن وواجب على وعلى اى شاب ”
طبعا كلمات الشكر تقف عاجزة عن أي كلام في حق هذا الشاب .. ومن واجنا وفخرنا ان نوجه كلمة شكر للشاب اللي ضرب اروع الامثلة في الامانة ابن وفخر سوهاج وجرجا
المحاسنه جرجا
علي أبو عزام المحسني  والشكر للاستاذ محمد حامد الصحفي بجريدة المساء لنشره الموضوعات المشرفة والانسانية